Isra'iliye gherbiy qirghaqtin qoshun chékindürüshni pilanlimaqta
2005.02.03
Isra'iliye da'iriliri i'ordan deryasining gherbiy qirghiqidiki sheherlerdin qoshun chékindürüsh we nechche yüzligen pelestin tutqunlirini qoyup bérish heqqide qarar chiqardi. Bu qarar del kiler hepte échilidighan ikki terep rehberliri söhbitining harpisida chiqirilghan.
En'giliye b b s radi'o- téléwiziyisining xewirige qarighanda, bu qétim jem'iy 900 dek pelestinlik qoyup bérilishi mumkin iken. Biraq qoyup bérilidighan pelestinliklerning konkrét sani we ölchimi yenila muzakire qilinmaqta. Bu, yéngidin saylan'ghan pelestin rehbiri maxmud abbasning öz hakimiyitini mustehkemlishide intayin muhim rol oynaydu, dep qaralmaqta.
Kéler hepte isra'iliye we pelestin rehberliri misirda söhbet ötküzidu. Xewerge qarighanda, ular bu arqiliq ikki terepning uzundin buyan dawam qilip kéliwatqan toqunushlirigha xatime bérishni ümid qilidiken.
Yighin'gha isra'iliye bash ministiri ariyal sharon we pelestin rehbiri mexmud abbas qatnashqandin sirt, misirning prézidénti hösni mubarek we i'ordaniyining padishahi abdullamu qatnishidiken. (Arzu)
Munasiwetlik maqalilar
- Sharon, pelestin qoralliq küchlirige zerbe bérish heqqide buyruq chüshürdi
- Sharun pelestin bilen bolghan munasiwetni üzdi
- Dunya jama'etchiliki mahmut abbasning saylan'ghanliqini éhtiyatchan ümidwarliq bilen qarshi aldi
- Pelestinde prézidént saylimi ötküzüldi
- Sharon pelestin döliti qurulushining mumkinchiliki heqqide bisharet berdi
- Amérika isra'iliyining xitaygha qoral sétishigha qayta naraziliq bildürdi
- Pelestinning waqitliq rehbiri mehmud abbas oq hujumidin qutulup qaldi
- Pelestin rehbiri yasir arafat ramallagha depne qilindi