Amérikidiki teywenlik sodiger özining xitaygha jasosluq qilghanliqini ashkarilidi

Royétris agéntliqi 18 ‏- may küni, amérikiliq bir qanun xadimining sözini neqil keltürüp, méyamiy fédral sotida teywenlik sodiger mu késünning xitay üchün jasosluq qilghanliqini iqrar qilghanliqini ashkarilidi.

58 Yashliq mu késün, amérikining dölet mudapi'e sana'iti shirkitini kötürege alghan shirketning teywende turushluq meslihetchisi we kespiy wekili bolup, u sot qilinish jeryanida özining, xitay hökümitining qanunsiz yosunda ilghar tiptiki herbiy qorallarni sétiwilish qilmishlirigha yardemleshkenlikini iqrar qilghan.

Bu arida amérikidiki mezkur shirketning bayanatchisi, shirketning bu yil 1 ‏- ayda mu késün bilen tüzgen barliq kélishimlerni bikar qilghanliqini bildürdi.

Méyamiy fédral soti bu yil 2 ‏- ayda mu késün bilen til biriktürgen fransiyilik béllmoni 9 türlük qilmish bilen eyibligen idi , mu késün xitay bilen xitaygha sétish cheklen'gen ilghar tiptiki herbiy qorallardin hawadin hawagha qoyup bérilidighan hemde nishan belgilep bashqurulidighan bomba, F 16 tipliq urush ayrupilani we qara lachin markiliq tik uchar sétish kilishimi tüzgen.

Sot mu késün'ge 30 yilliq qamaq jazasi we 2 milyon amérika dolliri jerimane qoyush jazasi bergen , biraq billmo qéchip ketken.

Royétrs agéntliqining bildürüshiche, xitayning washin'gtonda turushluq bash elchixanisining bayanatchisi muxbirning bu heqtiki su'allirigha ipade bildürmigen, xitay da'irilirimu mezkür jasosluq dilosini inkar qilghan. (Eqide)