Gérmaniye yéshillar partiyisining bawariye mes'uli myunxéndiki xitay konsuli üstidin sot mehkimisige erz qilmaqchi


2006.11.28
Share on WhatsApp
Share on WhatsApp

Gérmaniye yéshillar partiyisi bawariye komitétining mes'uli margarita xanim xitayning myunxéndiki yang pemililik bash konsulini jasusluq qilish bilen eyiblep, uning üstidin sot mehkimisige erz qilidighanliqini jakarlidi.

Dunya Uyghur qurultiyi rehberlirining ashkarilishiche, bu weqe yang famililik xitay bash konsulning dunya Uyghur qurultiyi margaritagha ewetken yighin teklipnamisini qanunsiz yollar bilen qolgha chüshürgenliki bilen munasiwetlik bolup, yéshillar partiyisi bawariye komitétining mes'uli xitayning gérmaniyide jasusluq qilish hoquqi yoqluqini bildürgen.

Gérmaniyining myunxén shehiride 27 - noyabir küni axirlashqan dunya Uyghur qurultiyining 2 - nöwetlik yighini échilishtin burun, xitay konsuli yang margaritaning ishxanisini ziyaret qilip, uning dunya Uyghur qurultiyi yighinigha teklip qilin'ghanliqi we rabiye qadir xanim bilen körishidighanliqidin xewerdar ikenliki we özliride uninggha ewetilgen faksning bir nusxisi barliqini bildürgen.

Dunya Uyghur qurultiyidiki zatlarning eskertishiche, margarita xanim bash konsul yangdin bu teklipnamini qeyerdin alghanliqini sorighanda u, "bizning öz ademlirimiz bar" dep jawab bergen. Margarita xanim bu weqeni dunya Uyghur qurultiyi re'isi rabiye qadir xanimgha myunxénda körüshkende sözlep bérip, xitay bash konsulining herikitini "jasusluq qilmish" dep eyibligen.

Gérmaniye axbaratlirida ashkarilan'ghan bu weqe, közetküchilerde xitay konsulxanisini margaritagha ewetilgen teklipname bilen teminligen, xitay bash konsuli yangning "öz ademliri kim?" dégen so'alni tughdurmaqta. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.