Америка җумһурийәтчиләр партийисиниң вәкилләр қурултийи ахирқи күнигә қәдәм қойди


Share on WhatsApp
Share on WhatsApp

Америка җумһурийәтчиләр партийисиниң вәкилләр қурултийи пәйшәнбә күни ахирқи күнигә қәдәм қойди. Җумһурийәтчиләр партийисиниң чаршәнбә күнидики қурултийида, америкиниң муавин презденти чик чейни нутуқ сөзләп, җумһурийәтчиләр партийисиниң муавин прездент кандидат намзатлиқини қубул қилди.

У сөзидә, америка демократлар партийиси көрсәткән прездент намзати җон кәрригә һоҗум қилип, җорҗ бушниңла "терроризимға қарши уруш" қа йитәкчилик қилалайдиған әң мувапиқ киши икәнликини билдүрди.

Җумһурийәтчиләр партийисиниң мәмликәтлик вәкилләр қурултийи давамлишиватқан бир пәйттә, нйо-йорк шәһиридә җумһурийәтчиләр партийисигә қарши намайишлар үзүлмиди. Пәйшәнбә күни қурултай ечиливатқан йиғин залидики намайишчилар җумһурийәтчиләр партийисидики яшларниң бир йиғилишиға дәхли йәткүзгән. Бирақ улар,сақчилар тәрипидин дәрһал елип кетилгән.

Америка бирләшмә ахбарат агентлиқиниң хәвиргә қариғанда, бу һәптидики намайишларда нйойоркта қолға елинған намайишчиларниң сани 1700 дин ашидикән. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт