Amérika jumhuriyetchiler partiyisining wekiller qurultiyi axirqi künige qedem qoydi

Amérika jumhuriyetchiler partiyisining wekiller qurultiyi peyshenbe küni axirqi künige qedem qoydi. Jumhuriyetchiler partiyisining charshenbe künidiki qurultiyida, amérikining mu'awin prézdénti chik chéyni nutuq sözlep, jumhuriyetchiler partiyisining mu'awin prézdént kandidat namzatliqini qubul qildi.

U sözide, amérika démokratlar partiyisi körsetken prézdént namzati jon kerrige hojum qilip, jorj bushningla "térrorizimgha qarshi urush" qa yitekchilik qilalaydighan eng muwapiq kishi ikenlikini bildürdi.

Jumhuriyetchiler partiyisining memliketlik wekiller qurultiyi dawamlishiwatqan bir peytte, nyo-york shehiride jumhuriyetchiler partiyisige qarshi namayishlar üzülmidi. Peyshenbe küni qurultay échiliwatqan yighin zalidiki namayishchilar jumhuriyetchiler partiyisidiki yashlarning bir yighilishigha dexli yetküzgen. Biraq ular,saqchilar teripidin derhal élip kétilgen.

Amérika birleshme axbarat agéntliqining xewirge qarighanda, bu heptidiki namayishlarda nyoyorkta qolgha élin'ghan namayishchilarning sani 1700 din ashidiken. (Arzu)