Kanada puqralirining kanada pasporti heqqidiki bayanliri

2 ‏- Mart küni "toronto yultuzi" tor bétide, "pasportimizning inawiti yoq" dégen témida maqale ilan qilindi.

Bu maqalide kanadagha kélip panahliq tilep kanada puqrasi bolghandin kiyin, bashqa döletlerde ziyaret we tijarette bolush jeryanida awarigerchilikke yoluqqanlarning ehwali we kanada hökümitining bulargha tutqan pozisiysige naraziliqlar ipadilen'gen.

"Weten tolimu séhrlik . Lékin, kanada puqraliri xeterlik tupraqlargha qedem bésip, kélishmeslikke yoluqsa kanada pasporti héchqandaq panah bolalmaydu" dep yazidu aptor. Aptor yene , özbékistan'gha bérip awarichiliqqa yoluqqan, kiyin özbék hökümiti xitaygha ötküzüp bergen kanada puqrasi höseyin jélil heqqidimu alahide toxtalghan.

Xitaydin qéchip qirghizistan, özbékistan qatarliq ellerde sersan bolghan sodiger höseyin jélil, kanadagha kélip panahliq tiligen we puqraliqqa érishkendin kiyin ottura asiyagha qilghan bir qétimliq ziyaritide qolgha élinip xitaygha qayturulghan.

Aptor bu heqte toxtilip, "xitaydek bezi döletler, qosh dölet puqraliq salahiytini peqet étirap qilmaydu. Kanada hökümiti höseyin jélilni yoqlash yaki uning dérikini élish jehette tirishchanliq körsetmidi. Shunga höseyin jélil hazir xitayning gherbidiki bir türmide Uyghur élide ötküzgen burunqi qilmishliri üchün éghir jazagha tartilish hetta étilip kétish xewpide yatmaqta" dep yézip kanada hökümitini öz puqralirigha ige bolushqa we ulargha panah bolushqa ündeydu. (Jüme)