Shimaliy koriye rehbiri kim jung'ilning béyjingda xitay rehberliri bilen körüshkenliki ilgiri sürüldi

• 
  2006-01-17

Shimaliy koriye rehbiri kim jung'ilning jenubiy junggoni mexpiy ziyaret qilghandin kéyin béyjinggha qaytip kélip, seyshenbe küni xitay rehberliri bilen körüshkenliki xewer qilindi.

Jenubiy koriye yonxap axbarat agéntliqining ismini ashkarilashni xalimaydighan diplomatik menbelerdin igilishiche, 30 mashinidin terkip tapqan bir etret düshenbe küni etigende dyawyüytey dölet mihmanxanisigha kirip ketken. Kim jung'il seyshenbe küni xelq sariyida xitay dölet re'isi xu jintaw bilen körüshüp, shimaliy koriye yadro qorallar mesilisi boyiche 6 dölet söhbitini muzakire qilghan bolushi mümkin.

Xitay tashqiy ishlar ministirliqi bayanatchisi kung chüen, xu jintawning kim jung'il bilen körüshkenlikini étirap qilmidi. Emma shuning birge inkarmu qilmidi. U, " men xu jintawning bügün chet'ellik rehberler bilen körüshidighanliqini bilimen......... Biraq qanchisi bilen körüshidighanliqidin xewirim yoq " deydu.

Kim jung'il ilgiri xitayda élip barghan 3 qétimliq ziyaritini mexpiy tutqan. U, axirqi qétim xitayni 2004 - yili 4 - ayda ziyaret qilghan. Xitay terep kim jung'ilning ziyaritini u dölitige qaytip ketkendin kéyin élan qilghan.

Xewerlerde éytishiche, kim jung'ilning ayrupilan'gha chüshüshtin qorqush késili bolghanliqtin xitaygha poyiz bilen barghan bolushi mümkin. Közetküchiler, eger kim xu jintaw bilen körüshse yadro qorallar mesilisi ularning söhbitidiki asasi téma bolidu, dep qarimaqta. (Erkin)