Хәлқара кәчүрүм тәшкилати, хитайниң кишилик һоқуқ паалийәтчилирини давамлиқ қолға еливатқанлиқини билдүрди


2004.12.06
Share on WhatsApp
Share on WhatsApp

Хәлқара кәчүрүм тәшкилати дүшәнбә күни, хитайдики кишилик һоқуқниң вәзийити тоғрисида йеңи бир доклат елан қилип, хитайдики кишилик һоқуқ паалийәтчилириниң қолға елинип, түрмиләрдә қаттқ қийин-қистаққа учраватқанлиқини тәкитлиди.

Хәлқара кәчүрүм тәшкилати, хитай баш министири вен җябав вә яврупа иттипақи рәһбәрлириниң али дәриҗилик йиғини һарписида елан қилған доклатида, яврупа иттипақи рәһбәрлиридин вен җябав билән өткүзидиған сөһбити җәрянида чоқум хитайдики кишилик һоқуқ мәсилисини оттуриға қоюшини тәләп қилған.

Хәлқара кәчүрүм тәшкилати доклатида, хитайдики кишилик паалийәтчилириниң йоқ баһанилар билән қолға елинип, түрмиләрдә қандақ қийин-қистақларға учраватқанлиқини испатлиқ пакитлар билән оттуриға қойған.

Хитай баш министири вин җиябав чаршәнбә күни голландийидә яврупа иттипақи рәһбәрлири билән учришиду. Хәвәрләргә қариғанда, бу учиришишта вен җябав яврупа иттипақи рәһбәрлиридин, яврупа иттипақиниң 15 йил бурун хитайға қарита йолға қойған қорал имбаргосини бикар қилишини тәләп қилдикән. яврупа иттипақи рәһбәрлири болса хитай билән техиму йеқин иқтисадий мунасивәт орнитишқа тиришидикән. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.