Xelq'ara kechürüm teshkilati, xitayning kishilik hoquq pa'aliyetchilirini dawamliq qolgha éliwatqanliqini bildürdi

Xelq'ara kechürüm teshkilati düshenbe küni, xitaydiki kishilik hoquqning weziyiti toghrisida yéngi bir doklat élan qilip, xitaydiki kishilik hoquq pa'aliyetchilirining qolgha élinip, türmilerde qattq qiyin-qistaqqa uchrawatqanliqini tekitlidi.

Xelq'ara kechürüm teshkilati, xitay bash ministiri wén jyabaw we yawrupa ittipaqi rehberlirining ali derijilik yighini harpisida élan qilghan doklatida, yawrupa ittipaqi rehberliridin wén jyabaw bilen ötküzidighan söhbiti jeryanida choqum xitaydiki kishilik hoquq mesilisini otturigha qoyushini telep qilghan.

Xelq'ara kechürüm teshkilati doklatida, xitaydiki kishilik pa'aliyetchilirining yoq bahanilar bilen qolgha élinip, türmilerde qandaq qiyin-qistaqlargha uchrawatqanliqini ispatliq pakitlar bilen otturigha qoyghan.

Xitay bash ministiri win jiyabaw charshenbe küni gollandiyide yawrupa ittipaqi rehberliri bilen uchrishidu. Xewerlerge qarighanda, bu uchirishishta wén jyabaw yawrupa ittipaqi rehberliridin, yawrupa ittipaqining 15 yil burun xitaygha qarita yolgha qoyghan qoral imbargosini bikar qilishini telep qildiken. Yawrupa ittipaqi rehberliri bolsa xitay bilen téximu yéqin iqtisadiy munasiwet ornitishqa tirishidiken. (Qanat)