Шаңхәйдин учуп сан - франсискоға қонған айрупиландин җәсәт тепилди


2007.07.20
Share on WhatsApp
Share on WhatsApp

Бирләшмә ахбарат агентлиқиниң хәвәр қилишичә, америкиниң сан - франсиско шәһиридики хәлқара айдурумниң бихәтәрлик тәкшүргүчи хадимлири пәйшәнбә күни хитайниң шаңхәй шәһиридин учуп сан - франсиско шәһиригә қонған америка бирләшмә һава йоллириға тәвә бир йолучилар айрупиланиниң баш қисимидики йүк амбиридин бир хитайниң җәситини байқиди.

Хәвәрләргә қариғанда, бу хитай пуқраси айрупилан қозғилиштин бурун айрупиланниң баш қисимидики йүк амбириға оғурлуқчә киривалған болуши мумкин.

Хәвәрләрдә өлгүчиниң әркәк болуш иһтимали чоңлиқини, лекин җәсәтниң искилити еғир дәриҗидә бузулғанлиқтин униң әркәк яки әмәсликини техиму илгирлигән һалда тәкшүрүшкә тоғра келидиғанлиқини билдүрмәктә.

Америка авиатсийә әмәлдарларниң тонуштурушиға қариғанда , айрупиланниң баш қисимидики җәсәт байқалған җай, айрупилан учқанда оксигендин пүтүнләй хали бошлуққа айлинидиған болуп, температуриси нөлдин түвән 40 градусқа қәдәр чүшидикән. Бу әһвалда бу җайға йошурунивалған һәр қандақ адәмниң өлүш еһтимали% 100 икәнлики билдүрүлмәктә. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.