Jenubiy koriye tunji qétim shimaliy koriyige bérilgen jaza heqqide toxtaldi

Birleshken döletler teshkilati bixeterlik kéngishi shimaliy koriyige qarshi imbargo élan qilip ikki heptidin kéyin, jenubiy koriye tunji qétim bixeterlik kéngishining mezkür qarari heqqidiki konkrét qedimi heqqide ipade bildürdi.

Jenubiy koriyining ikki koriye mesililiri ministirliqining ministiri li jungsokning bildürüshiche, jenubiy koriye birleshken döletler teshkilatining, shimaliy koriye hökümet xadimlirining sayahet qilishini cheklesh belgilimisge asasen, jenubiy koriyige kirgen shimaliy koriye paraxotlirini, déngiz tamozhna qanunliri buyiche qattiq tekshüridiken.

Biraq , hazir ikki te'erp otturisida iqtisadiy hemkarliq türliri yolgha qoyulghan bolup, shimaliy koriyide qurulghan birleshme sana'et guruppisi bilen sayahet rayoni jazalash da'irisi ichige kirmeydiken.

Jenubiy koriye metbu'atliri, hökümetning yuqirida tilghan élin'ghan mesililerni qayta oylishidighanliqini bildürmekte.

Shimaliy koriye terep charshenbe küni agahlandurush bérip, "eger jenubiy koriye birleshken döletler teshkilatining pyongyangni jazalash herikitige qatnashsa, buning üchün éghir bedel töleydu " dédi. (Eqide)