Буш:" косова чоқум мустәқил болуши керәк дәп қараймиз" деди
2007.06.11
Албанийә хәлқи, 10 июн албанийәдә зиярәттә болған америка президенти җорҗ бушни интайин қизғин қариши алди. Йолниң чирағ түврүклиригә америка вә албанийә байрақлири есилған болуп, қоллирида америка байрақлири вә "албанийә бушни қариши алиду" дегән хәтләр йезилған пилакатларни көтүрүшүп миңлиған амма бушни күтүвелишқа чиққан.
Вашингитон почтиси гезитидә көрситилишичә, албанийә хәлқи бушни худди бир қәһриманни қариши алғандәк қизғинлиқта күтүвалған. Бушқа дөләт "байрақ медали" берилгән вә униң һөрмитигә 21 пай һөрмәт топи етилған.
Президент бушму өзиниң косова мустәқиллиқни қолаш идийисини қайта тәкитләп , "пат йеқинда силәр чоқум, болди бәс- косова мустәқилдур, дәйсиләр" деди.
Косова мустәқиллиқиниң вақит чеки һәққидә мухбирларниң сориған соаллириға президент буш, " вақит чеки мәсилисигә кәлсәк, вақит чеки чоқум бекитилиши керәк. Бу чоқум йүз бериш керәк" деди.
У йәнә, "бу йәрдики мәсилә, биз аллиқачан бир қарарға келип болған бир ишта йәнә айиғи чиқмас диалоглар елип бериш яки бармаслиқ. Биз косова чоқум мустәқил болуши керәк дәп қараймиз" дәп тәкитлиди. Әмма , русийә косованиң мустәқиллиқ идийисигә изчил қариши туруп кәлмәктә.
1999 - Йили америка вә шималий атлантик окян әһди тәшкилати (NATO) бирләшмә армийиси сербларниң косовалиқ албанларға қаратқан ирқи тазилаш һәрикитигә қариши җәң елан қилған вә сербларни косовадин қоғлап чиқарған. Шуниңдин етибарән косовада бирләшкән дөләтләр тинчлиқ сақлаш армийиси туриватиду.
Буш албанийидики 8 саәтлик зияритини аяғлаштуруп софийәгә қарап йүрүп кәткән . (Җүмә)
Мунасивәтлик мақалилар
- Президент буш албанийини зиярәт қилди
- Адвокатлар америкиниң гүәнтанамодики бәзи мәһбусларни албанийигә әвәткәнликини тәнқид қилди
- Рабийә қадир америка президенти җорҗ буш вә униң ханими билән көрүшти
- Б д т ниң вәкилләр өмики косованиң истиқбали һәққидә изләнмәктә
- Бирләшкән дөләтләр тәшкилати бихәтәрлик кеңишидә косованиң мустәқиллиқ мәсилиси музакирә қилинмақта
- Косова мәсилиси һәққидики йеңи учурлар
- Ахтисари косовани мустәқил қилидиған пиланини б д т бихәтәрлик кеңишигә сунмақчи
- Косовоға мустәқиллиқ йоли көрүнди
- Җорҗ буш афғанистан истратегийсини өзгәртини пиланлимақта
- Җорҗи буш дөләт әһвалидин бәргән доклатида куба, берма, оттура шәрқ вә билорусийиләрни демократик ислаһат елип беришқа чақирди