Xu jintaw kuba bilen iqtisadiy hemkarliq munasiwitini kücheytishke kélishti


2004-11-24
Share

Xitay re'isi xu jintaw seyshenbe küni kubadiki ikki künlük ziyaritini axirlashturup, xitaygha qaytti. U ziyariti jeryanida ikki dölet iqtisadiy hemkarliqini buningdin kéyin téximu kücheytishke kélishti.

Roytérs axbarat agéntliqining xewer qilishiche, xu jintaw yene seyshenbe küni kubada élip bérilghan bir iqtisadiy söhbette, xitay bilen kubaning ortaq nishani barliqini we buning ikki dölet munasiwitini chongqurlashturushqa paydiliq ikenlikini bildürgen.

Kuba prézidénti fidél kastro söhbet jeryanida xitayning iqtisadiy tereqqiyatini medhiylep, xitayni "dunya iqtisadining asasliq heriketlendürgüch küchi" dep atighan.

Shundaqla kuba düshenbe küni xitay terep bilen 16 türlük soda kélishimige qol qoyghan bolup, bular kubada nikél pishshiqlap ishlesh zawuti qurush, birlikte meblegh salghan karxana berpa qilish shundaqla kubaning nikél bayliqini birlikte échish qatarliq mezmunlarni öz ichige alghan.

Nöwette xitay kubaning wénisi'ula we ispaniyedin qalsila 3 - chong soda hemkardishi bolup hésablinidu. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet