Xitay hökümiti, liwiyining chin shüybyenni liwiyige teklip qilghanliqidin endishilen'genlikini bildürdi

• 
  2006-01-19

Xitay hökümiti, liwiyining rehbiri mu'emmer kazafining, teyu'en prézidénti chin shüybyenni liwiyige teklip qilghanliqidin endishilen'genlikini bildürdi.

Roétris agéntliqining xewer qilishiche, teywen prézidénti chin shüybyen 18 - yanwar küni liwiyining rehbiri kazafining teklipini qobul qilghan.

Xitay tashqi ishlar minsitirliqining bayanatchisi kong chüen béyjingda muxbirlargha bergen bayanatida, chin shüybyenning liwiyini ziyaret qilish éhtimalliqi xitay hökümitini qattiq endishilendürmekte. Biz bu ziyaretning emelge ashmaydighanliqigha ishinimiz,dédi.

Kung chüenning bildürüshiche, afriqa qit'eside ziyarette boliwatqan xitay tashqi ishlar ministiri li jawshing, liwiye rehbiri kazafi bilen mesilini muzakire qilghanliqini, kazafi liwiyining bir xitay prinsipida ching turidighanliqini tekitligenlikini éytqan .

Uning éytishiche, ikki terepning sühbiti jeryanida bir junggo siyasitige hörmet qilishning, teywen rehberlirining ziyariti cheklesh mesilsinimu öz ichige alidighanliqi tekitlen'gen.

Xitay hökümiti yéqinqi yillarda teywenni siyasiy jehettin yalghuz qaldurush üchün afriqa qit'esidiki diplomatiye pa'aliyetlirini kücheytken.Siyasiy mulahizichilarning bildürüshiche, liwiye rehbiri kazafining teywen prézdénti chin shüybyenni liwiyige teklip qilghanliqi, xitay hökümitining afriqidiki diplomatiye pa'aliyetlirige chong birzerbe hésablinidiken. (Qanat)