Ku'alalumpurdiki mesh'el yetküzüsh pa'aliyiti küchlük bixeterlik tedbirliri astida ötküzüldi

21 ‏ - Aprél béyjing olimpik mesh'ilini yetküzüsh pa'aliyiti malaysiyaning ku'alalumpur shehirige yétip kelgen. Qarshiliq namayishliri we kütülmigen hadisilerning aldini élish üchün, malayshiya hökümet da'iriliri bixeterlik tedbirlirini kücheytken bolup, melum bolushiche, saqchilar 1000 neper saqchi ofitsérlirini pa'aliyet meydanigha orunlashturghan.
Muxbirimiz jüme xewiri
2008.04.21

 Mesh'el pa'aliyiti ku'alalumpurdiki erkinlik meydanida élip bérilghan hemde mezkur pa'aliyetni körüshke 3minggha yéqin adem qatnashqan bolup, roytérsta körsitilishiche, mesh'el yetküzüsh pa'aliyitige qantashquchilarning köpinchisi malaysiyada oquwatqan xitay oqughuchilar we shu jayda turushluq xitaylardin teshkil tapqan iken.

Gerche ku'alalumpurdiki mesh'el yetküzüshüsh pa'aliyitide parizh, london, istanbuldikidek zor kölemlik qarshiliq namayishliri teshkillenmigen bolsimu, emma shu küni tibetning dölet bayriqini chiqirip lepildetken 3 neper yaponiyilik bir a'ile kishiliri, bir rahib we yene bir neper en'gliye puqrasi namayish meydanidin élip kétilgen.

Birleshme agéntliqining xewer qilinishiche, bu yaponiyilikler tibetning dölet bayriqini chiqarghandin kéyin mesh'el yetküzüsh pa'aliyitini qollighuchi xitaylarning yolsizliqlirigha uchrighan hemde weqege shahitlarning bildürüshiche, ular "tibetke erkinlik" dégen'ge oxshash sho'arlarni towlashqan iken.

Béyjing olimpik mesh'ili 22 ‏ - aprél hindonéziyining jakarta shehirige, 24 ‏ - aprél awstraliyining paytexti kambéragha, 26 ‏ - aprél yaponiyige yétip kélidighan bolup, yaponiyidiki zenkoji ibadetxanisi xitayning tibette élip barghan basturush herikitige naraziliqini ipadilep, olimpik mesh'ilini yetküzüsh pa'aliyitini mezkur ibadetxanigha yéqin yolatmaydighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.