Miya farrow xelq'ara jem'iyetning xitaygha bésim ishlitip, bérma herbiy hökümitini qollashni toxtitishini telep qildi

Amérikining xolliwud kino cholpani, kishilik hoquqi pa'aliyetchisi miya farrow jüme küni dunyaning yétip kélish aldidiki béyjing olimpik yighinidin paydilinip, xitaygha bérma herbiy hökümiti bilen bolghan munasiwitini toxtitish toghrisida bésim ishlitishni telep qildi.
Muxbirimiz erkin xewiri
2008-07-25
Share

 Farrow xanim shu küni birleshme agéntliqigha bergen bayanatida mundaq dégen": eger xelq'ara bésim yéterlik bolsa shundaqla eger yéterlik zilzile peyda bolsa, xitayning bérma mesilisidiki meydanini özgerteleymiz."

Farrow xanim yene, amérika prézidénti bushni "olimpik yighinining échilish murasimigha qatnishishni qarar qilish arqiliq xitayning bérma bilen bolghan munasiwitige qarshi qet'iy bolushning pursitini qoldin bérip qoydi" dep eyiblidi. U " men bushning olimpik yighinigha barmasliqini ümid qilattim, chünki bu amérikining öz prinsipida qet'iy turushta kéreklik bolghan bir pursitini qoldin bérip qoydi" deydu.

Miya farrow ilgiri xitaydin sudan da'irilirining darfurdiki qirghinchiliqini toxtitishqa yardemde bolushni telep qilghan idi. Miya farrow yuqiriqi sözlerni nobil tinchliq mukapatigha érishken ayallar teripidin qurulghan "nobél ayallar teshebbusi" deydighan bir organning wekillirini bashlap bérma - tayland chégrisini ziyaret qilghandin kéyin, tayland paytexti bankokta ötküzgen axbarat élan qilish yighinida tekitlidi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet