Mongghuliye amérika bilen herbiy hemkarliqini kücheytishni ümid qildi

Mongghuliye prézidénti nambarén énkbayar, asiya - tinch okyan rayonidiki amérika qisimlirining qomandani admiral wilyam fallun bilen söhbet ötküzüp, mongghuliyining amérika bilen herbiy hemkarliqini chongqurlashturush oyi barliqini bildürdi.

Mongghuliye iraq bilen afghanistanda az miqdarda qoshun turghuziwatqan döletlerning biri. Prézidént énkbayar, nyu - yokrtiki b d t bashliqlar yighinidin mongghuliyige qaytish sepiride hawaygha chüshüp, wilyam falun bilen uchrashti.

Énkbayarning ashkarilishiche, ular mongghuliye qisimlirini kéngeytish, mongghuliyining xelq'ara tinchliqni saqlash herikitidiki rolini yuqiri kötürüsh qatarliq mesililerni muzakire qilghan. Biraq énkbayar söhbetning tepsili mezmuni üstide toxtalmidi. Emma u, admiral falum bilen amérikining asiya -tinch okyan armiyisi we mongghuliye qisimlirining hemkarliqi toghrisida "ortaq chüshenche hasil qilghan."

Mongghuliye ilgiri sabiq sowét ittipaqining hemrah döliti idi. Sowét ittipaqi tarqalghandin kéyin xitayning mongghuliyidiki tesiri téz küchiyishke bashlighan.

Mongghuliyining hazir iraqta 120 qoshuni, afghanistan 50 kishilik qoshuni bar. Amérika mongghuliye eskerlirini terbiyeleshke yardem qilmaqta. (Erkin)