Нато талибанларға қарита йеңидин һуҗум қозғайдиғанлиқини билдүрмәктә


2007.02.08

Шималий атлантик әһди тәшкилатиға әза дөләтләрниң дөләт мудапиә министирлири пәйшәнбә күни, испанийидә өткүзүлгән йиғинда, афғанистандики талибан қораллиқ күчлиригә қарши йеңидин һуҗум қозғайдиғанлиқини музакирә қилди.

Хәлқарада нато дәп атилидиған шималий атлантик әһди тәшкилати хадиминиң билдүрүшичә, мәзкүр тәшкилатиниң алий дәриҗилик һәрбий қомандани һесабланған америкилиқ генерал келадок, йеңи бир истратегийә түзүп чиқиш билән биргә натониң афғанистанниң җәнубий вә шәрқидики шуниңдәк пакистан билән чегрилинидиған районлардики һәрбий күчини кеңәйтиш керәкликини оттуриға қойди.

Нато һәрбий рәһбәрлириниң мөлчәрлишичә, бундин кейинки нәччә ай ичидә қарлиқ тағниң музлири еришқа башлиғандин кейин, талибан күчлириниң һуҗумлири көпийишкә башлайдикән.

Бу арида америка билән әнгилийә, натониң афғанистандики һәрбий қисмлириға әскәр әвәтишкә вәдә қилди. Генерал келадок, натоға әза дөләтләрниңму әскәр көпәйтиш тәләплиригә қошулғанлиқини билдүрүп, талибанларға қарши һуҗум пиланиниң оңушлуқ болидиғанлиқини тәкитлиди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.