Олимпик комитети ахбарат әркинлики җәһәттә бәргән вәдисини ақлимиди
2008.02.04
Дүшәнбә күни, баш шитаби ню йорк шәһиригә җайлашқан бир ахбарат әркинлик тәшкилати хәлқара олимпик комитетиниң, хитайда ахбарат әркинликини илгири сүрүш җәһәттә хитайға йетәрлик бесим ишләтмигәнликини оттуриға қойди.
Мәзкур тәшкилат, хитайниң дуня буйичә " ахбаратчиларни әң көп түрмигә ташлайдиған дөләт" икәнликини, һазирға қәдәр 29 язғучиниң хитай түрмилиридә азап чекиватқанлиқини оттуриға қойди.
Франсийә агентлиқида көрситишичә, язғучиларни қоғдаш тәшкилати асия бөлүминиң мәсули боб диетз, хәлқара олимпик комитетиниң, бу җәһәттә һечқандақ тәдбир қолланмиғанлиқидин "һәйран" қалғанлиқини ипадилигән вә өз тәшкилатиниң йиллиқ доклатида, хитайниң вә хәлқара олимпик комитетиниң өз вәдисидә турмиғанлиқини көрситип, " хитай хәлқара олимпик комитетиға ахбарат әркинликини зор дәриҗидә яхшилайдиғанлиқи һәққидә вәдә бәргән" дәп оттуриға қойған.
У хитайниң язғучи вә ахбаратчиларни изчил қолға елип 9 йилдин буян бу җәһәттә дуня буйичә алдинқи қатарда туруп кәлгәнликини һәмдә хитайниң һазир торда мақалә елан қилғанларни көпрәк қолға еливатқанлиқини, һазирғичә қолға елинған 29 нәпәр язғучиниң 18 нәпириниң торда мақалә елан қилған язғучилар икәнликини билдүрди.
У хитай һөкүмитини бу йиллиқ бейҗиң олимпикидин бурун түрмидә йетиватқан язғучиларни қоюп беришкә чиқарди.
Һазир хитайда түрмидә йетиватқан 29 нәпәр язғучиниң ичидә 4 нәпири уйғур илидин болуп, буларниң ичидә, тарихчи тохти мозарт, "ява кәптәр" һекайисиниң аптори нурмәмәт ясин, қәшқәр әдәбиятиниң сабиқ тәһрири көрәш һөсәйин қатарлиқлар бар.
Хитай 2001 - йили 2008 - йиллиқ олимпик йиғиниға саһибханлиқни талишиш алдида 2008- йиллиқ олимпик йиғинидин бурун ахбаратни әркин қоюветишни әмәлгә ашуридиғанлиқи һәққидә дуня җамаәтчиликигә вәдә бәргән иди. (Җүмә)
Мунасивәтлик мақалилар
- Уйғур боксйор муһәммәд турсун олимпик тәнһәрикәт йиғиниға қатнишиш салаһийитигә еришти
- Хитай һөкүмити кишилик һоқуқ тәшкилатлириниң бесимиға тиз пүкмәйдиғанлиқини билдүрди
- " Әнглийә шаһзадиси чарлиз олимпик мурасимиға қатнашмайду "
- Хитайда кишилик һоқуқ вәзийитини күнсери начарлашмақта
- Голландийидики олимпик вә кишилик һоқуқ мәсилиси һәққидики йиғин хитайни биарам қилди
- Голландийә ташқи ишлар министирликиниң бейҗиң олимпикини байқут қилиш юмулақ үстәл йиғинида уйғур мәсилиси диққәтни тартти
- Чегрисиз мухбирлар тәшкилати : хитай өзиниң йеңи ахбарат бәлгилимисигә һөрмәт қилиш керәк
- Хәлқара сақчи: террорчилар бейҗиң олимпик йиғиниға һуҗум қилишни пиланлиған болуши мумкин
- явропа парламенти хәлқара олимпик комитетини кишилик һоқуқи мәсилисидә хитайға бесим ишлитишкә чақирди
- Хитайниң олимпик һарписидиму кишилик һоқуқни давамлиқ дәпсәндә қиливатқанлиқи ашкариланмақта
- Хәлқара мухбирлар тәшкилати олимпик комитетини хитай мәсилисидә әйиблиди
- Чегрисиз мухбирлар тәшкилати саркозидин хитай зияритидә кишилик һоқуқни оттуриға қоюшни тәләп қилди