Dunya Uyghur qurultiyi béyjing olimpik musabiqisini bayqut qilish herikiti qozghidi


2007.08.03
Share on WhatsApp
Share on WhatsApp

Merkizi gérmaniyidiki dunya Uyghur qurultiyi shenbe künidin bashlap dunya miqyasida béyjing olimpik musabiqisini bayqut qilish herikiti qozghaydighanliqini élan qildi. Dunya Uyghur qurultiyi bayanatchisi dilshat rishitning jüme küni élan qilishiche, mezkur organ béyjing olimpik musabiqisini bayqut qilish herikitini shenbe küni gérmaniyining myunxén shehiridin bashlimaqchi iken.

Dilshat rishit, olimpikning asasi telipi insaniyetning izzet hörmiti we kishilik hoquqigha hörmetlik qilishtur. Xitay olimpik musabiqisi ötküzüsh hoquqini qolgha keltürüshte xelq'ara jem'iyetke kishilik hoquqni yaxshilash toghrisida wede bergen. Lékin xitay bu wedisini ijra qilmayla qalmay, kishilik hoquqni téximu ilgirlep depsende qilmaqta, dep körsetti. U yene, " biz xitay da'irilirining Uyghurlarni qanunsiz wastiler bilen xalighanche tutqun qiliwatqanliqini, Uyghur mehbuslargha ten jazasi bériwatqanliqini eyibleymiz " deydu.

Dilshat rishitning eskertishiche, béyjing olimpik musabiqisini bayqut qilish olimpikqa qarshi chiqqanliq emes, belki olimpik rohini asrap, kishilik hoquqni qoghdighanliqtur. U, dunyaning her qaysi jaylirida bayqut qilish pa'aliyiti élip bérilidighanliqini, bu xitay hökümiti kishilik hoquq depsendichilikini toxtatqan'gha qeder dawam qilidighanliqini bildürdi.

Béyjing olimpik musabiqisini bayqut qilish pa'aliyiti amérikida 8 - awghust küni bashlanmaqchi. Amérika Uyghur jem'iyiti peyshenbe künki bayanatida amérikidiki Uyghurlarni 8 - awghust küni washin'gtondiki xitay elchixanisi aldida yighilish ötküzüshke chaqirdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.