"Хәлқара олимпик комитетиниң һәрикәт қоллинидиған пәйти йетип кәлди"


2007.08.06
Share on WhatsApp
Share on WhatsApp

Хәлқара кәчүрүм тәшкилати, 2008- йиллиқи бейҗиң олимпикидин бир йил бурун хитайниң кишилик һоқоқ хатирисидә яхшилиниш көрунмигәнликини, әгәр хитай җиддий һәрикәт қолланмиса, бу әһвал хитайға, олимпик һәрикитигә вә пүткүл дуняға дағ тәккузидиғанлиқини оттуриға қойди.

Ройтерс агентлиқи 6 - авғуст дүшәнбә күни бәргән мәлуматқа қариғанда, хәлқара кәчүрүм тәшкилати баш катипи иринахан: " хитай һөкүмити олимпиккә саһибхан болуш салаһийитигә еришивалғандин кейин, олимпикниң өзлири үчүн кишилик һоқуқни яхшилайдиған бир пурсәт болуп қалидиғанлиқи һәққидә вәдә бәргән. Бейҗиң олимпиккә бир йил қалди. Биз олимпик тәйярлиқ хизмәтлириниң кишилик һоқуққа қара көләңгә ташлап туруватқанлиқини көрүватимиз" дәйду.

Хәлқара кәчүрүм тәшкилати олимпиктин бир йил бурун елан қилған бир ахбаратида, хитайда йәнә сотниң һөкүмисиз тутуп туруш, кишилик һоқуқ паалийәтчилирини нәзәр бәнт қилиш, мухбирларниң һәрикәтлирини чәкләш қатарлиқ ишларға тәпсилий қарап чиққан иди.

Иринаханниң билдүрүшичә, гәрчә хитай һөкүмити чәтәл мухбирлириға азрақ әркинлик бәргән болсиму, әмма учур ‏- мәлуматларниң тарқилишини қаттиқ қамал қилған.

Иринахан йәнә мундақ дәйду: " бу олимпик йиғинидин пәхирлинидиған бир пәйт иди. Әмма бу пәхирлик туйғуға кишилик һоқуқ дәпсәндичилики билән дағ тәгсә, бу хитай үчүнла әмәс, бәлки, олимпик йиғини үчүн һәмдә мәзкур йиғинға қатнашқан хәлқара җамаәт үчүнму интайин яман ."

Хәлқара олимпик комитети кәчүрүм тәшкилатини хитайниң кишилик һоқуқ хатирисигә ичкириләп қарап чиқишқа риғбәтләндүргән болуп, иринаханниң билдүрүшигә қариғанда, кәчүрүм тәшкилати вә башқа кишилик һоқуқ тәшкилатлири хитайниң кишилик һоқуқ хатирисини тәкшүрүп чиққан . Әмди хәлқара олимпик комитетиниң һәрикәт қоллинидиған пәйти йетип кәлгән. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.