"Xelq'ara olimpik komitétining heriket qollinidighan peyti yétip keldi"


2007.08.06
Share on WhatsApp
Share on WhatsApp

Xelq'ara kechürüm teshkilati, 2008- yilliqi béyjing olimpikidin bir yil burun xitayning kishilik hoqoq xatiriside yaxshilinish körunmigenlikini, eger xitay jiddiy heriket qollanmisa, bu ehwal xitaygha, olimpik herikitige we pütkül dunyagha dagh tekkuzidighanliqini otturigha qoydi.

Roytérs agéntliqi 6 - awghust düshenbe küni bergen melumatqa qarighanda, xelq'ara kechürüm teshkilati bash katipi irinaxan: " xitay hökümiti olimpikke sahibxan bolush salahiyitige érishiwalghandin kéyin, olimpikning özliri üchün kishilik hoquqni yaxshilaydighan bir purset bolup qalidighanliqi heqqide wede bergen. Béyjing olimpikke bir yil qaldi. Biz olimpik teyyarliq xizmetlirining kishilik hoquqqa qara kölengge tashlap turuwatqanliqini körüwatimiz" deydu.

Xelq'ara kechürüm teshkilati olimpiktin bir yil burun élan qilghan bir axbaratida, xitayda yene sotning hökümisiz tutup turush, kishilik hoquq pa'aliyetchilirini nezer bent qilish, muxbirlarning heriketlirini cheklesh qatarliq ishlargha tepsiliy qarap chiqqan idi.

Irinaxanning bildürüshiche, gerche xitay hökümiti chet'el muxbirlirigha azraq erkinlik bergen bolsimu, emma uchur ‏- melumatlarning tarqilishini qattiq qamal qilghan.

Irinaxan yene mundaq deydu: " bu olimpik yighinidin pexirlinidighan bir peyt idi. Emma bu pexirlik tuyghugha kishilik hoquq depsendichiliki bilen dagh tegse, bu xitay üchünla emes, belki, olimpik yighini üchün hemde mezkur yighin'gha qatnashqan xelq'ara jama'et üchünmu intayin yaman ."

Xelq'ara olimpik komitéti kechürüm teshkilatini xitayning kishilik hoquq xatirisige ichkirilep qarap chiqishqa righbetlendürgen bolup, irinaxanning bildürüshige qarighanda, kechürüm teshkilati we bashqa kishilik hoquq teshkilatliri xitayning kishilik hoquq xatirisini tekshürüp chiqqan . Emdi xelq'ara olimpik komitétining heriket qollinidighan peyti yétip kelgen. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.