Kishilik hoquq teshkilatliri xitaydin ölüm jazasini azaytishni telep qildi


2007.06.07
Share on WhatsApp
Share on WhatsApp

Amérikidiki kishilik hoquq teshkilatliridin biri hésablan'ghan " di'alog fondi jem'iyiti"ning bashliqi peyshenbe küni, " eger béyjing da'iriliri olimpikning ghelibilik ötküzülüshini ümid qilsa, ölüm jazasi ijra qilishni azaytishi hemde darfurda yüz bériwatqan zorawanliq heriketlirining aldini élishqa türtke bolushi kérek " dep telep qildi.

Fransiye agéntliqi di'alog fondining re'isi kamning sözini neqil keltürüp, " olimpik murasimining netijilik ötküzülüshi, xitayning nöwettiki eng aliy nishani, chünki bu xitayning kishilik hoquq xatirisidiki setchiliklirining gherb elliride qaldurghan iznalarning öchürülishige yardem körsitidu" dédi.

Di'alog fondigha oxshash herqaysi kishilik hoquq teshkilatliri, xitayning kishilik hoquqni yaxshilimay turup, olimpik murasimi ötküzüshke layiq hésablanmaydighanliqini tekitlep kelmekte. Bolupmu, chet'ellerde pa'aliyet élip bériwatqan Uyghur we tibet teshkilatliri, xitayning olimpik ötküzüsh salahiyitige layiq emeslikini hem bu salahiyitini bayqut qilishni telep qilmaqta.

Olimpik murasimi üchün jiddi teyyarliq köriwatqan xitay, sudan'gha qoral - yaraq ékisport qilish hemde sudandin néfit import qilish herikiti bilen xelq'ara jem'iyetning qattiq tenqidige duch kelmekte.

Xitay siyasiy mehbuslarni ölüm jazasi bilen eng köp jazalaydighan döletlerdin biri hésablinidu.(Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.