Isra'iliye liwan'gha qaratqan hujumini dawamlashturmaqta
2006.08.03
Dunya islam elliri teshkilatigha eza döletler, 3- awghust küni, malaysiyada ötküzüliwatqan yighinda ortaq bayanat élan qilip, birleshken döletler teshkilati bixeterlik kéngishining himayisi astida ,ottura sheriqte derhal urush toxtitishni telep qildi.
Fransiye agéntliqining 3 - awghust bergen xewirige qarighanda, iran qatarliq 57 dölet ishtirak qilghan shuningdek her qaysi islam döletlirining rehberliri qatnashqan mezkür yighinda, xelq'araning, isra'iliyining liwan'gha qaratqan hujumi heqqidiki oxshash bolmighan qarashliri muhakime qilin'ghandin sirt , yighinda yene , eger isra'iliye hujumini dawamlashtursa , apet xaraktérlik aqiwetlerning meydan'gha kélidighanliqi alahide tekitlen'gen.
Bu arida roytiris agéntliqi, dunya elliri ottura sheriqte urushni toxtitish heqqidiki teshebbüsini otturigha qoyuwatqan bir peytte , isra'iliye terep bilen hizbulla otturisidiki toqunushning dawamlishiwatqanliqini hemde mezkür hujum dawamida béyrutta 900 ademning qaza qilip, 3000 din artuq ademning yarilan'ghanliqini élan qildi.
3 - Awghust küni, isra'iliye terep, urush ayrupilanlirini ishqa sélip, béyrutni yene bir qétim bombardiman qildi. Isra'iliye urush ayrupilanliri yene ,liwanning shimaliy we süriye bilen chégrilinidighan jaylirinimu bombardighan qilghan. (Eqide)
Munasiwetlik maqalilar
- Xelq'ara jemiyet ottura sherqte urush toxtitishni telep qilmaqta
- Isra'iliye urush toxtitish mumkinchilikini ret qildi
- Isra'iliye liwan'gha qaratqan hujumda xelq'araning qollishigha érishkenlikini bildürmekte
- Isra'iliye liwanda qaza qilghan b d t xadimlirigha qayghusini ipadilidi
- Isra'iliyining liwan'gha qaratqan hawa hujumliri dawamlishiwatidu