Özbékistan islam herikiti tahir yoldashning hayat ikenlikini élan qildi

2007-04-08
Élxet
Pikir
Share
Print

Özbékistan islam herikiti teshkilati téxi yéqinda weziristanda yüz bergen qoralliq toqunushta öldi dep élan qilin'ghan özbékistan islam herikiti teshkilatining rehbiri tahir yoldashning hayat we saq-salamet ikenlikini élan qilghan.

Bu heqte perghane agéntliqi uchurgha ige bolghan bolup, igilinishlerge qarighanda, tahir yoldash alla burun mezkur toqunush yüz bériwatqan qebililer rayonidin ayrilip ketken iken.

Aldinqi heptilerdiki xewerlerde mezkur jaylarda yüz bergen jenglerde talibanlar sépidiki özbék qoralliq pidayiliridin xéli köp sandikilirining öltürülgenliki éytilghan. Pakistandiki "dawn" namliq gézit mezkur qebililer rayonidiki özbékistan islam herikiti ezalirining öz istikahmliridin heydep chiqirilip, shin warsak we zaghunday qatarliq jenubiy weziristan nuqtilirigha nisbeten kontrolluq ornitilghanliqini xewer qilghan. Shin warsak we zaghunday rayonidin öltürülgen 13 neper özbékning jesiti tépilghan.

Perghane agéntliqining xewer qilishiche, toqunush jeryanida 150 neper özbék qoralliq jengchisi öltürülgen. Xéli köp sandiki yerlik qebile puqraliri özbékistan islam herikiti terepte turup urush qilghan. Tahir yoldashning yénida köp sanda tajiklarmu bar iken.

Özbékistan islam herikiti teshkilati özbékistan rehbiri islam kerimopqa qarshi qurulghan qoralliq teshkilat bolup, buningdin 5-6 yillar ilgiri ular qirghizistanning batkent rayoni we bashqa jaylar arqiliq özbékistan'gha kirip, özbék we qirghiz armiyisi bilen urush qilghan. Islam kerimop xelq'ara jemiyettin bu teshkilatni térrorluq teshkilat tizimlikige kirgüzüshni telep qilghan idi. Mezkur guruhning asasliq rehbiri jüme neman'gani bilen tahir yoldash bolup, naman'gani ilgiriki toqunushlarda ölgen. (Ümidwar)

Pikirler (0)
Share
Toluq bet