Пакистанда йүз бәргән партлаш вәқәси, бушниң бу дөләттә елип бармақчи болған зияритигә тәсир көрситәлмәйду


2006.03.02
Share on WhatsApp
Share on WhatsApp

Бүгүн пакистанниң карачи шәһиридә йүз бәргән партлаш вәқәси 5 адәмниң өлүмини кәлтүрүп чиқарди.

Франсийә агентлиқиниң 2 ‏- март күни бәргән хәвиригә қариғанда, партлаш вәқәси америкиниң пакистанда турушлуқ баш әлчиханисиға 20 метир йирақлиқтики җайда йүз бәргән.

Партлашта һаятидин айрилғанлар ичидә америкиниң бир нәпәр ташқи ишлар хадимиму бар болуп, мәзкүр партлаш вәқәси президент җорҗ бушниң пакистанда елип бармақчи болған зияритиниң һарписида йүз бәргән, бирақ буш бу вәқәниң униң бу дөләттә елип бармақчи болған зияритигә тәсир көрситәлмәйдиғанлиқини, өзиниң пакистан президенти мушәррәф билән террорчилиққа зәрбә бериш мәсилисидә музакирә елип берип, давамлиқ һәмкарлишидиғанлиқини тәкитлиди.

Сақчиларниң ейтишичә, өзини өлтүрвелиш характерлик мәзкүр партлаш вәқәси, америка әлчиханисиға шундақла америкилиқлар көп келидиған бир рестуранға йеқин йәрдә йүр бәргән. Партлашта 46 адәм яриланған. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.