Pakistan hökümiti miltantlar bilen kélishim imzalidi


2006-09-05
Share

Pakistan hökümiti we taliban qalduqlirini qollawatqan militantlar seyshenbe toqunushlarni toxtitish üchün kélishim imzalidi. Bu kélishimge asasen militantlar pakistandiki hemde pakistan -afghanistan chégra rayonidiki hujumlirini toxtitidiken.

Köpchilikke melum bolghandek, pakistan hökümitining amérika bashchiliqida élip bériwatqan xelq'ara térrorchiliqqa qarshi urush ramkisi ichide, pakistan-afghanistan chégra rayonidiki kontrolluqini kücheytish üchün rayon'gha herbiy qisimlirini ewetishini netijiside pakistanning qebililer rayoni dep atalghan shimaliy weziristan ölkiside yüz bergen toqunushlarda yüzligen pakistan eskiri we militant ölgen.

2001‏- Yili amérika herbiy qisimlirining hujumi netijiside afghanistandiki taliban hakimiyiti gumran bolghandin kéyin, nurghunlighan el qa'ide teshkilati ezasi we taliban qalduqliri afghanistandin qéchip, pakistanning shimaliy weziristan rayonida panahlan'ghan idi.

Roytris agéntliqining xewer qilishiche, imzalan'ghan kélishimge asasen militantlar pütün chet'elliklerning rayondin chiqérishni qobul qilghan. Emma rayonda dawamliq turushni xalighan chet'ellikler ning pakistan hökümiti bilen imzlan'ghan tinchliq kélishimni hörmet qilishi shert iken.

Pakistan prézidénti perwéz musherrep, pakistan térritoriyisini chet'ellik militantlardin tazilaydighanliqi'i toghrisida wede qilghan idi. Lékin seyshenbe küni imzalan'ghan kélishimde, chet'ellikler qalaymiqanchiliq chiqarmisa, tinchliqni buzmisa shimaliy weziristanda turalaydighanliqini tekitlen'gen.

Bixeterlik organlirining bildürüshiche, shimaliy weziristanda hélimu nurghunlighan ereb we ottura asiyaliq militantlar bar iken. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet