Америка пакистанни таш қораллар дәвридикигә охшаш җайға айландуруветимиз, дәп тәһдит салған


2006.09.22

Пакистан президенти пәрвиз мушәррәп, америка әмәлдарлириниң - 11 синтәбир вәқәсидин кейин пакистанға әгәр исламабад америка билән һәмкарлашмиса, пакистанни бомбардиман қилип таш қораллар дәвридикигә охшаш җайға айландуруветимиз, дәп тәһдит салғанлиқини билдүрди.

Мушәррәп, америка cbs телевизийә истансисиниң зияритини қобул қилғанда , шу чағдики америка муавин ташқий ишлар министири ричард армитәҗниң пакистан ахбарат министириға " таш қораллар дәвригә қайтип кетишкә тәйярлинип қоюңлар " дегәнликини билдүрди.

Пәрвиз мушәррәп, " әйни чағда пакистанниң мәнпәәтини көздә тутуп тоғра қарар чиқиришимиз керәк иди" дәйду. Лекин армитәҗ, пакистанға тәһдит салғанлиқини рәт қилди. Армитәҗниң әскәртишичә, әйни чағда у пакистандин " я - америка билән һәмкарлишиш яки америка билән дөшмәнлишиш" йолиниң бирини таллашни тәләп қилған.

Пакистан 11 - синтәбир вәқәсидин бурун талибан һөкүмитиниң әң қәти қоллиғучиси болған болсиму, лекин 11 - синтәбир вәқәсидин кейин талибанларни қоллаштин ваз кечип, америкиниң террорчилиққа қарши уруштики муһим иттипақдиши болуп қалған. Президент буш җүмә күни пәрвиз мушәррәпни ақ сарайда күтивелип, америкиниң пакистанға тәһдит салғанлиқидин хәвири йоқлиқини билдүрди. У, " бу хәвәрдин һәйран қалдим " дәйду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.