Pakistan parlamént saylimida öktichi partiyiler üstünlükni igilidi

Düshenbe künidiki pakistan parlamént saylam netijisige qarighanda,pakistan islam ittipaqi bilen pakistan xelq partiyisidin ibaret ikki chong öktichi partiyining érishken awazi üstünlükni igiligen bolup, buning bilen perwiz musherrepning siyasiy ittipaqdashliri parlamént saylimida meghlup bolghanliqigha ten bergen.

Öktichi partiyilerning qollighuchiliri nöwette kochilarda shérip bilen buttoning isimlirini towlap tentene qilishqa bashlighan.

Pakistan parlamént saylimi eslide 1 ‏- ayning 8 ‏- küni élip bérish pilanlan'ghan bolup, biraq xelq partiyisi rehbiri binezer butto xanimning 27 ‏- dékabir küni süyiqest bilen öltürülüshi tüpeyli, saylam kéchiktürülgen idi.

Gerche, bu qétimliq saylam dawamida pakistan da'iriliri saylamning choqum erkin we adil, xatirjem ötküzülüshige kapaletlik qilish üchün öktichi partiye qollighuchilirining saylamda naraziliq namayishi élip barmasliqini alahide tekitlep,nechche yüz ming kishilik herbiy qisimlarni tinchliqni saqlashqa qoyghan bolsimu, emma yenila aldinqi ottuz nechche sa'et ichide 24 adem zorawanliq heriketliride jénidin ayrilghan. Köp sandiki amma bélet tashlash üchün sirtlargha chiqishqa jür'et qilalmighan.

Gerche, saylamning eng axiriqi netijisi seyshenbe kechte melum bolidighan bolsimu, közetchilerning qarishiche, zorawanliq heriketliri tüpeyli peyda bolghan endishe, bu qétimqi saylamning bélet tashlash nisbitining töwen bolushini keltürüp chiqirishi mumkin. (Gülchéhre)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar