Pakistan yadro qorallirining radikal guruppilarning qoligha chüshüp qilishi mumkin emes


2008-01-26
Share

Pakistan istratégiyilik qorallar bixeterlikni qoghdash idarisining bashliqi, pakistan hökümitining yadro qorallarning bixeterlikini téximu kücheytkenlikini tekitlep, "pakistandiki yadro qorallarning radikal islamiy guruppilarning qolgha chüshüp qilishi mumkin emes" dep körsetti.

Pakistan yadro qorallirining bixeterliki bolupmu, pakistanning sabiq bash ministiri we pakistan siyasiy öktichi herikitining rehbiri benezir buttoning, bir süyiqest netijiside öltürülüshidin kéyin, gherb döletliride muhim bir munazire témisi aylan'ghan idi.

Gherb döletliridiki nurghunlighan siyasetchiler we mulahizichiler, pakistan yadro qorallirining bixeterliki mesilside özlirining endishilirini bayan qilip, pakistandiki yadro qorallarning, pakistan döliti ichidiki radikal unsurlar arqiliq radikal islamiy guruppilarning kontrolluqigha chüshüp qilish éhtimalliqi, barliqini otturigha qoyghan idi.

Pakistan prézidénti perwaz musherrepmu, öz hakimiyitini qoghdap qilish we bu mesilide gherb döletlirining qollishigha érishish üchün, pakistandiki yadro qorallar kartisini oynashqa tirishqan.

Lékin, pakistan yadro qorallirini qoghdash ishlirigha mes'ul bolghan général xald xidwiy, shenbe küni islam abatta, chet'ellik muxbirlargha bergen bayanatida, "biz pakistan yadro qorallirigha qaritilghan herqandaq ichki-tashqi tehditke taqabil turush iqtidarigha ige," dégen.

U, ötken yili pakistanda bashlan'ghan özini öltürüwélish xaraktérlik hujumlar dolqunidin kéyin, yadro qorallar etrapidiki bixeterlik tedbirlirining kücheytilgenlikini tekitlep, emma, hazirghiche pakistan yadro qorallirigha qarshi héchqandaq bir tehditning otturigha chiqmighanliqini bildürdi.

Général xidwiy, pakistanda élip bérilidighan démokratik bir saylamda, radikal diniy guruppilarning hakimiyet béghishigha kélishining mumkin emeslikini tekitlidi. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet