Канада һөкүмити уйғур серкчиләрниң сияси паналиқини қобул қилди


2004.11.05
Share on WhatsApp
Share on WhatsApp

Канададин сияси паналиқ тилигән уйғур аптоном районлуқ серк өмикидики 7 нәпәр артисниң канада көчмәнләр идариси вә сот мәһкимиси тәрипидин уюштурулған сотда сиясий паналиқи қобул қилинип, улар канадада мәңгүлүк олтурақлишиш һоқуқиға еришти. Уйғур серкчиләрниң соти пәйшәнбә күни ечилған болуп, сот мәһкимиси уларниң канадада қелиш тәлипини орунлуқ дәп һөкүм чиқарған. Сот мәһкимисиниң қарари канадада сиясий паналиқ тиләш рәсмийитиниң ахирқи басқучи һисаплиниду.

Уйғур серкчиләр бу йил 1 ـ айниң оттурилири хитайниң чаған байрими мунасивити билән канадада оюн көрситишкә әвәтилгән болуп, улар бу йәрдә юртиға қайтишни рәт қилип, канада һөкүмитидин сияси паналиқ тилигән. Бу вәқә хитай даирилирини наһайити оңайсиз әһвалға чүшүрүп қойған иди.

Хитай һөкүмити вәқәни уйғур серикчиләр яман нийәтлик кишиләр тәрипидин алдап кетилди, дәп чүшәндүргән. Оттавадики хитай әлчиханиси канада һөкүмитидин серикчиләрни қайтуруп беришни тәләп қилған. Бу җәрянда мәзкур вәқә дуня ахбарат вастилиридики чоң хәвәргә айланған. Серикчиләрниң нимә үчүн сияси паналиқ тилигәнлики муназирә қозғап, уйғур районидики бир қатар иҗтимаий мәсилиләр оттуриға чиққан иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.