En'giliye tashqi ishlar ministiri xitay merkizi partiye mektipide nutuq sözlidi


2007.05.17
Share on WhatsApp
Share on WhatsApp

En'giliye tashqi ishlar ministiri margarét békét, xitay merkizi partiye mektipide nutuq sözlep, xitayning siyasiy we qanun islahatini téximu keng kölemde élip bérishini teshebbus qildi.

Békét xanim, xitayning ali derijilik dölet xadimlirigha": siyasiy we qanun sahesi boyiche élip bérilghan islahat, junggoning muqimliqigha biwaste yardem béridighan muhim amil " dep körsetti.

Amérika birleshme agéntliqining xewiride körsitilishiche, xitayda 1980 ‏- yilliri islahat élip bérilip, 20 yildin kéyin zor özgürüshler meydan'gha kelgen, emma buning bilen birge yene baylar bilen kembegheller otturisidiki periqmu kündin - kün'ge küchiyishke bashlighan. Shuningdek yene ediliye séstimisi bilen qanun, jem'iyet hemde iqtisadiy tereqqiyatning qedimige maslishalmasliqtek ehwallar meydan'gha kelgen.

Békét xanim sözide yene": jonggu söz erkinlikige we musteqil ediliye séstimisigha muhtaj , herqandaq saghlam iqtisadiy qurulma üstidin muxbirlar we kishiler erkin mesile körsitelise, bu seweblik öch élishqa uchrimisa , qanun musteqil we heqiqi höküm chiqiralisa, xelqning narazliq herketliri aziyidu" dédi.

Xitay metbu'atliri, békét xanimning merkizi partiye mektipide sözligen nutuqi heqqide xewer élan qilip, emma uning xitayning siyasiy we qanun islahati heqqidiki teshebbusining mezmuni tilgha almighan. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.