Hindistandin pakistan'gha kétiwatqan poyiz partlap 60 nechche kishi öldi


2007-02-19
Share

Yekshenbe küni hindistanning paytexti yéngi déhlidin pakistanning lahor shehirige kétiwatqan bir poyizda yüz bergen bir qatar partlashlarda az dégende 66 kishi ölgen.

Hindistan tömür yol qatnash ministirliqining ministiri lalu prasad düshenbe küni muxbirlargha bergen bayanatida, bu partlitishni élip barghanlarning meqsiti pakistan bilen hindistan otturisidiki munasiwetlerning tereqqi qilishigha tosqunluq qilish we ikki dölet otturisida élip bériliwatqan tinchliq söhbitini toxtitish, dédi. Parasadning bildürüshiche, weqede ölgenlerning asasliq qisimi pakistanliqlar iken.

Hindistan da'irilirining bildürüshiche, saqchilar poyizning saq qalghan wagonlirining biridin ikki somkigha qachilan'ghan téxi partlimighan bombilarni tapqan.

Hindi'istan ichki ishlar ministiri rajinder prasad, bu térrorluq hujumini élip barghanlar keshmir militantliri yaki esebi hindu teshkilatlirining ezaliri bolushi mumkin, dédi.

Pakistan prézidénti perwiz musherrep, bu térrorluq weqesining pakistan bilen hindistan rehberlirining tinchliq üchün élip bériwatqan pa'aliyetlirige tesir yetküzmesiliki kéreklikini tekitlep, biz esebiy guruppilarning ikki dölet otturisida élip bériliwatqan tinchliq söhbetlirige buzghunchiliq qilishigha yol qoymaymiz, dédi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet