Pelestinde prézidént saylimi ötküzüldi


2005-01-09
Share

Pelestin xelqi yekshenbe küni saylam ötküzüp, wapat bolghan rehbiri yasir arafatqa izbasarliq qilidighan pelestin hoquq orginining yéngi rehbirini saylashqa bashlidi.

En'giliye b b s radi'o- téléwiziyisining xewirige qarighanda, saylam yerlik waqit bilen ettigen sa'et yettide bashlinip, kech sa'et yettigiche dawam qilghan.

Ghezze rayoni we i'ordan deryasining gherbiy qirghiqidiki 2800 din artuq saylam ponkitlirida saylam tertiplik élip bérilghan. Kishilerning qizghinliqimu yuqiri bolghan. Biraq yérusalémning sherqidiki saylam ponkitlirida bolsa bir qatar mesililer körülgen. Bir qisim pelestinlikler isra'iliye da'irilirining özlirini saylam meydanidin heydiwetkenlikini shikayet qilghan.

Bu qétimqi saylam,1996 - yilidin buyan pelestinde ötküzülgen tünji omumiy saylam bolup hésablinidu. Pelestin xelqi yette neper kandidat ichidin pelestin milliy hökümitining re'isini saylap chiqidu. Xelq'ara jem'iyet saylamgha alahide diqqet - étibarini bérip, 800 din artuq küzetküchi xadimlarni ewetken.

Saylamning netijisi düshenbe küni élan qilinidu. Biraq hazirqi eng yéngi ray sinashning netijisige qarighanda, pelestinning sabiq bash ministiri, fatix herikitining rehbiri mexmud abbas ٪ 65 awazgha ériship, saylamgha ghelibe qilishi mumkin iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet