Dunya jama'etchiliki mahmut abbasning saylan'ghanliqini éhtiyatchan ümidwarliq bilen qarshi aldi


2005.01.10

Xelq'ara jama'etchilik düshenbe küni mahmut abbasning pelestin milliy hakimiyet orginining re'isi bolup saylan'ghanliqini éhtiyatchan bir ümidwarliq bilen qarshi aldi.

Nurghunlighan kishiler mahmut abbasning pelestin milliy hakimiyet orginining re'isi bolup saylan'ghanliqi, pelestin xelqining özining musteqil dölitini qurup chiqishigha shundaqla ottura sherqte tinchliqning tiklinishige sewep bolushi mumkin dep qarimaqta.

Amérika prézidénti bush yekshenbe küni bir bayanat élan qilip, ghezze we i'ordaniye deryasining gherbiy qirghiqida élip bérilghan saylamgha qatnashquchilar sanining köplikidin ümidlen'genlikini we ottura sherqte tinchliqni tiklesh heriketlirini kücheytidighanliqini bildürdi . Prézidént bush bayanatida, bu pelestin xelqi shundaqla pütün ottura sherq xelqi üchün tarixiy bir kün dep körsetti.

Yawrupa ittipaqining re'isi xoze maniwel barossa lozemburgda bergen bayanatida, bu saylam turaqliq we démokratik bir pelestin dölitining qurulushi üchün intayin muhim bir qedem. Emdi munasiwetlik pütün terepler rayonda tinchliq ornutush üchün birge ishlishi kirek. Isra'iliye bash ministiri ari'el sharon bilen mahmut abbasning yéqinda uchrishishni pilanlighanliqi kishini ümidlendüridighan bir heriket, didi.

Yekshenbe küni pelestin xelqining rehbiri yasir arafatning orunbasarini saylash üchün élip bérilghan saylamda, elfete herikitining rehberliridin bolghan mahmut abbas awazlarning 62 pirsenttin köprekini qolgha keltürüp pelestin milliy hakimiyitining re'isi bolup saylandi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.