Isra'iliye pelestindiki radikal teshkilatlarning urush toxtatqanliqini qarshi aldi


2005-03-18
Share

Isra'iliye pelestin radikal islam teshkilatlirining urush toxtatqanliqini qarshi élip, ulargha hujum qilmaydighanliqi heqqide kapalet berdi. Biraq isra'iliye, pelestin da'irilirining bu teshkilatlarni axirqi hésabta tarqitiwétishini telep qilghan.

Isra'iliyining mu'awin bash ministiri axud olmart, isra'iliyining yuqiriqi teshkilatlargha qarshi herbiy heriket élip bérishtin yiraq turidighanliqini bildürgen. U, pelestin hökümiti bilen pelestindiki radikal teshkilatlarning aldinqi küni qahirede imzalighan urush toxturush kélishimini qarshi aldi. U, pelestin rehbiri maxmud abbasning térorchiliqni yoqitish yolida basqan qedimining hemmisi "ijabiy" dep bahalighan.

Peyshenbe küni pelestindiki islami jihad, xamas qatarliq on nechche teshkilat qahirede pelestin rehbiri maxmud abbas bilen bir arigha kélip, isra'iliyige hujum qilishtin saqlinish toghrisida kélishim tüzgen. Amma ular eger isra'iliye yuquriqi teshkilatlargha qarshi öch élish herikiti élip barsa örush toxtutush wedisining küchke ige emeslikini bildürgen idi. Buning sel aldida isra'iliye i'ordan deryasining gherbiy qirghiqidiki bezi sheherlirini pelestinliklerning bashturushigha ötküzüp bergen idi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet