Kandiliza rays: isra'iliye bilen pelestinning tinchliqi amérikining menpe'etige uyghun
2007.11.28
Isra'iliye- pelestin tinchliq yighini 27 - noyabir küni amérikining annapolis sheherchiside échilip, yette yildin buyan üksüp qalghan tinchliq söhbitini dawamlashturush üchün kélishim hasil qildi. Bu kélishimni ijra qilidighan bir komitét teshkillendi. U 12 - ayning 12 - künidin bashlap ishqa chüshidu.
Amérika awazining xewer qilishiche, 28 - noyabir küni amérika prézidénti jorj bush aq sarayda isra'iliye prézidénti olmért bilen pelestin hoquqluq orginining re'isi mehmud abbasni qobul qilip, tinchliq söhbiti üchün yardemlishidighanliqini bildürdi.
Xewerde bayan qilinishiche, amérikida échilghan isra'iliye-pelestin tinchliq yighinigha isra'iliye bilen diplomatik munasiwiti bolmighan se'udi erebistani, süriye qatarliq döletlernimu öz ichige alghan 50 nechche ereb dölitining rehberliri qatnashti. Yighinda isra'iliye prézidénti olmért "hazir tinchliqni emelge ashuridighan peyt keldi, emdi ereb döletliri yenila bir yanda qarap turuwermey, teshebbuskar tedbir qollinishi kérek, tinchliq hemmimizge kérek" dédi. Mexmud abbas "tinchliq hemmimizge kérek, emma isra'iliye bilen pelestinning héchqaysi tinchliqni qarshi tereptin tilep almaydu. Hazir qan töküsh, zorawanliq, ishghaliyetchilikni axirlashturidighan peyt keldi " dédi. Ereb xelipilikining bash katibi musa yighinda 2002 - yilidiki teklipini yene tekrarlap 'isra'iliye bésiwalghan jaylardin chiqip ketse, andin ereb döletliri isra'iliye bilen mesilini siyasiy yol bilen hel qilish jehette muresse qilidu" dédi.
Amérika tashqi ishlar minisitiri kandiliza rays 'buningdin kéyin qilidighan xizmetler qéyin. Xetiri yoq emes. Emma bu yighinning rohi xelq'ara jem'iyet talliwalghan birdinbir yol, prézidént bush bilen men shundaq qaraymizki, isra'iliye bilen pelestinning tinchliqi amérikining menpe'etige uyghun' dédi. (Weli)
Munasiwetlik maqalilar
- Ottura sherq tinchliq söhbiti bashlandi
- Misir we türkiye rehberliri ottura sheriq birleshme yighinigha qatnashmaqchi
- I'ordaniye padishahi abdulla xitayda ziyarette
- Kondaliza rays ottura sherq ziyaritini bashlidi
- Liwan hökümet qoshuni bilen islamiy küchler arisida toqunush yüz berdi
- Amérika ottura sherq ittipaqdash döletlirige herbiy yardemni kücheytidighanliqini bildürmekte
- Ottura sherq ténchliq mesilisi xadimliri ténchliq wekili bilayér bilen uchrashti
- Jorj bush xelq'ara yighin chaqirip ottura sherqning ténchliqini qolgha keltürüshni teshebbus qildi
- Isra'iliye hökümiti 250 tutqunni qoyup béridu
- Pelestin yéngi hökümiti quruldi