Қара тағ җумһурийити мустәқиллиқ үчүн омумий хәлқ аваз бериш өткүзди


2006-05-21
Share

югославийә федератсийисигә тәвә қара тағ җумһурийити 21-май күни мәзкур җумһурийәтниң мустәқиллиқи үчүн омумий хәлқ аваз бериш өткүзди.

Б б с агентлиқиниң учуриға асасланғанда, бу омумий хәлқ аваз бериш паалийитигә явропа иттипақи арилашқан болуп, әгәр 55% адәм мустәқиллиқни қоллашқа беләт ташлиса, қара тағ җумһурийити рәсми мустәқиллиқ җакарлаш салаһийитигә еришидикән.

Қара тағ җумһурийити әслидә югославийә иттипақдаш җумһурийәтлириниң бири болуп, 90-йилларда югославийигә тәвә харватийә, словенийә, македонийә қатарлиқлар униңдин айрилип мустәқиллиқ җакарлиғанда, қара тағ җумһурийити беләт ташлаш арқилиқ югославийә тәркибидә қелишни қарар қилған һәмдә сербийә җумһурийити билән бирлишип, йеңи югославийә федератсийисини қуруп, уни " сербийә-қара тағ " дәп атиған шуниңдәк үч йилдин кейин омумий хәлқ беләт ташлаш арқилиқ келәчәк сиясий тәқдирини бәлгиләшни қарар қилған иди. Ахири, 14 йилдин кейин, бу әмәлгә ашти.

Қара тағ җумһурийитиниг аһалиси 700 миң әтрапида болуп, қара тағлиқлар сербләр билән тил вә дин җәһәттин ортақлиққа игә. Қара тағ рәһбәрлири бу җумһурийәтниң мустәқил болуп, явропа билән бирлишиш қәдимини бесиш арқилиқ өз иқтисадини тәрәққи қилдуруш пикирлирини оттуриға қоймақта. Әмма, йәнә бир қисим кишиләр қара тағларниң нопусиниң азлиқини көрситип, мустәқил болушниң зөрүрийитиниң йоқлиқини чүшәндүрмәктә.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт