Қаратағ җумһурийити мустәқиллиқни талливалди


2006-05-22
Share

Сербийә билән биргә югусилавийә федиратсийидики ахирқи 2 дөләтниң бири қаратағ җумһурийити йәкшәнбә күни өткүзүлгән рефирандумда мустәқиллиқни талливалди. Қаратағ җумһурийити мәркизи сайлам комитетиниң дүшәнбә күни ашкарилишичә, рефирандумда мустәқиллиқни қоллап биләт ташлиғанлар 4.55 % Ни, қарши турғучилар 6.44 % Ни игилигән.

Қаратағ җумһурийитиниң асасий қануни бойичә, рефирандумда сайлам йешидики пуқраларниң йеримидин көпрәки биләт ташлашқа қатнашқан вә ғәлибә қилғучи тәрәп омуми биләтниң 55 % гә еришкәндила сайлам нәтиҗиси күчкә игә болиду.

Қаратағ җумһурийитиниң баш министири мило дуганович, " қаратағ җумһурийитидики көпчилик пуқралар бу дөләтниң мустәқиллиқ ишлирини йеңи пәллигә көтәрди " дәйду. Рефирандумда пуқралар , сиз қаратағ җумһурийитиниң хәлқарада вә әдлийә җәһәттә пүтүнләй мустәқил болушини халамсиз, дигән суалға җаваб берип биләт ташлиди. Сайлам мәркизиниң ашкарилишичә, бу қетим қаратағ җумһурийити бойичә сайлам йешидики пуқраларниң 86 % и биләт ташлиған.

Сайлам нәтиҗиси елан қилинғандин кейин мустәқиллиқни қоллиғучилар пайтәхт подкорикада кочиларға чиқип ғәлибә тәнтәниси қилди. Лекин мустәқиллиқни рәт қилғучилар, бу қаратағниң сербийә билән болған сияси, иқтисади вә иҗтимаий мунасивитигә зәрбә бериду, дәп қаримақта.

Қаратағ җумһурийитиниң мустәқил болушиға сербийилик сиясәтчиләр, правислав диний җәмийитиниң рәһбәрлири вә сербийигә чегридаш районлардики пуқралар қарши турди. югусилавийә федиратсийиси тарқалғандин кейин сербийә билән қаратағ җумһурийити 2003 - йили сербийә- қаратағ иттипақини қурған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт