Qaratagh jumhuriyiti musteqilliqni talliwaldi

Sérbiye bilen birge yugusilawiye fédiratsiyidiki axirqi 2 döletning biri qaratagh jumhuriyiti yekshenbe küni ötküzülgen réfirandumda musteqilliqni talliwaldi. Qaratagh jumhuriyiti merkizi saylam komitétining düshenbe küni ashkarilishiche, réfirandumda musteqilliqni qollap bilet tashlighanlar 4.55 % Ni, qarshi turghuchilar 6.44 % Ni igiligen.

Qaratagh jumhuriyitining asasiy qanuni boyiche, réfirandumda saylam yéshidiki puqralarning yérimidin köpreki bilet tashlashqa qatnashqan we ghelibe qilghuchi terep omumi biletning 55 % ge érishkendila saylam netijisi küchke ige bolidu.

Qaratagh jumhuriyitining bash ministiri milo duganowich, " qaratagh jumhuriyitidiki köpchilik puqralar bu döletning musteqilliq ishlirini yéngi pellige köterdi " deydu. Réfirandumda puqralar , siz qaratagh jumhuriyitining xelq'arada we edliye jehette pütünley musteqil bolushini xalamsiz, digen su'algha jawab bérip bilet tashlidi. Saylam merkizining ashkarilishiche, bu qétim qaratagh jumhuriyiti boyiche saylam yéshidiki puqralarning 86 % i bilet tashlighan.

Saylam netijisi élan qilin'ghandin kéyin musteqilliqni qollighuchilar paytext podkorikada kochilargha chiqip ghelibe tentenisi qildi. Lékin musteqilliqni ret qilghuchilar, bu qarataghning sérbiye bilen bolghan siyasi, iqtisadi we ijtima'iy munasiwitige zerbe béridu, dep qarimaqta.

Qaratagh jumhuriyitining musteqil bolushigha sérbiyilik siyasetchiler, prawislaw diniy jem'iyitining rehberliri we sérbiyige chégridash rayonlardiki puqralar qarshi turdi. Yugusilawiye fédiratsiyisi tarqalghandin kéyin sérbiye bilen qaratagh jumhuriyiti 2003 - yili sérbiye- qaratagh ittipaqini qurghan. (Erkin)