Pakistanda xitay puqraliri yene hujumgha uchridi


2007.07.19
Share on WhatsApp
Share on WhatsApp

Pakistanning jenubidiki xub shehiride, xitay ishchilirini toshuwatqan bir aptomobil partlitiwitilgen.

Peyshenbe küni yüz bergen partlashta hujumgha uchrighanlar arisidin az dégende 30 gha yéqin kishi qaza qilghan, saqchilarning perez qilishiche , mezkür hujum xitay puqralirigha qaritilghan , emma partlashta ölgenlerning hemmisi pakistanliqlar iken.

Xewerlerdin melum bolushiche, partlatquch bomba yol üstidiki bir résturan'gha aldin orunlashturulghan bolup, neq meydanni körgüchilerning éytishiche, partlash weqesi , xitay qurulush ishchilirini toshush etritidikiler, pakistan bixeterlik qoghdighuchilirining himayisi astida résturan'gha kiriwatqan chaghda yüz bergen.

Yéqindin buyan pakistandiki xitay puqraliri, pakistan qoralliq milliy guruhlirining hujum nishanigha aylan'ghan.

Qoralliq küchler, pakistanda élip bériliwatqan chong kölemlik birleshme tereqqiyat türlirige qarshi isyan kötürmekte. Birleshme tereqqiyat türlirining köpinchisi, xitayning karxaniliri teripidin kötürige élin'ghan .

Bu arida yene , pakistanning xan'gu shehiridiki saqchi inistituti, özini öltürüwélish xaraktérlik hujumgha uchrighan we az dégende 7 kishining ölümini 20 kishining yarilinishini meydan'gha keltürgen. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet