Қуш зуками асия дөләтлиридә қайтидин оттуриға чиқти


2007-12-15
Share

Асиядики бир қисим дөләтләрдә қуш зуками қайтидин оттуриға чиқип, җан елишқа башлиди. Америка бирләшмә агентлиқиниң хәвәр қилишичә, җүмә күни һиндонезийидә йәнә бир киши қуш зуками билән өлгән болуп, буниң билән һиндонезийидә қуш зуками билән өлгәнләрниң сани 93 кишигә йәткән.

Бу арида шәнбә күни, пакистан сәһийә минстирлиқиниң алий дәриҗилик бир хадими, өткән икки ай ичидә пакистанниң ғәрбий шмал райониға җайлашқан лашари шәһиридә бир кишиниң қуш зуками билән өлгәнликини вә 6 кишидә қуш зуками вируси билән байқалғанлиқини, билдүрди.

Дуня сәһийә тәшкилатиниң билдүрүшичә, мушу айниң башлирида хитайниң нәнҗин шәһиридә 24 яштики бир киши қуш зуками кесәллики билән өлгән йәнә бир кишиниң болса қуш зуками вируси билән юқумланғанлиқи ениқланған. Шуниңдәк, бирма да 7 яштики бир қизниң қуш зуками вируси билән юқумланғанлиқи байқалған. Хәвәрләргә қариғанда, бу бермада тунҗи қетим бир кишиниң қуш зуками вируси билән юқумланғанлиқи болуп һесаблинидикән.

Дуня сәһийә тәшкилатиниң хәвәр қилишичә, 2003‏- йилидин йәни қуш зуками вируси тунҗи қетим хитай қатарлиқ бәзи асия дөләтлиридә оттуриға чиққандин буян 340 кишиниң мәзкур вирус билән юқумланғанлиқи байқалған болуп, уларниң 208 нәпири өлгән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт