Қуш зукиминиң тарқилишиға тақабил турудиған программа һазирланди

Хәлқара сәһийә мутәхәссислири қуш зукиминиң асияда тарқилишиға тақабил туралайдиған бирхил универсал программини елан қилди. Дуня сәһийә тәшкилати, б д т озуқлуқ тәшкилати вә дуня һайванатлар сәһийә тәшкилатиниң куалалумпурда ечилған үч күнлүк йиғини ахирлашқандин кейин, мәзкур программа җакарланди.

Америка авази радиосиниң хәвәр қилишичә, программиниң асасий йөлүнүши, аилидә һайванат баққучиларға һайванатлардин келидиған хәтәрни, болупму тоху, өдәк вә чошқини бир йәрдә беқишниң хәтирини чүшәндүрүш тәрбийиси елип бериштин ибарәт. Программиниң йәнә бир муһим мәзмуни болса, асиядики аилә қушлири базарлири, бу базарларда һәрхил һайванатлар һәрдаим тазилиқ шәртлири болмиған әһвал астида союлмақта.

Франсийә ахбарат агентлиқиниң мәлум қилишичә, қуш зукими вируси хитайниң чиңхәй өлкисидә шундақла уйғур дияриниң чөчәк, санҗи қатарлиқ җайлирида байқалғандин кейин, б д т сәһийә тәшкилати мәзкур вирусниң адәмләргә юқидиған шәкилдә тарқилишидин әндишә қилип, хитай һөкүмитини агаһландурған иди. ( Илтәбир)