Qush zukimining tarqilishigha taqabil turudighan programma hazirlandi


2005.07.06
Share on WhatsApp
Share on WhatsApp

Xelq'ara sehiye mutexessisliri qush zukimining asiyada tarqilishigha taqabil turalaydighan birxil uniwérsal programmini élan qildi. Dunya sehiye teshkilati, b d t ozuqluq teshkilati we dunya haywanatlar sehiye teshkilatining ku'alalumpurda échilghan üch künlük yighini axirlashqandin kéyin, mezkur programma jakarlandi.

Amérika awazi radi'osining xewer qilishiche, programmining asasiy yölünüshi, a'ilide haywanat baqquchilargha haywanatlardin kélidighan xeterni, bolupmu toxu, ödek we choshqini bir yerde béqishning xetirini chüshendürüsh terbiyisi élip bérishtin ibaret. Programmining yene bir muhim mezmuni bolsa, asiyadiki a'ile qushliri bazarliri, bu bazarlarda herxil haywanatlar herda'im taziliq shertliri bolmighan ehwal astida soyulmaqta.

Fransiye axbarat agéntliqining melum qilishiche, qush zukimi wirusi xitayning chingxey ölkiside shundaqla Uyghur diyarining chöchek, sanji qatarliq jaylirida bayqalghandin kéyin, b d t sehiye teshkilati mezkur wirusning ademlerge yuqidighan shekilde tarqilishidin endishe qilip, xitay hökümitini agahlandurghan idi. ( Iltebir)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.