Rusiyide tunji qétim qush zukam wirusi bayqaldi
2005.07.21
Uyghur aptonom rayonining chöchek, sanji we chingxeydiki tebi'iy qoghdash rayonlirida bu yil 4 we 5 - aylarda arqa - arqidin qush zukam wirusi bayqalghandin kéyin, peyshenbe küni rusiye jiddi halet ministirliqi rusiyining nowéy- sibiriski oblastidiki suzdalka yézisida qush zukam wirusi bayqalghanliqini jakarlidi. Bu qush zukam wirusining rusiye chégrisi ichide tunji qétim bayqilishi bolup hésablinidu. Buningdin sel ilgiri yaponiye da'iriliri xitaydin import qilin'ghan tonglitilghan ghaz göshide qush zukam wirusi bayqighanliqini jakarlighan idi.
Rusiye da'irilirining ashkarilishiche, suzdalka yézisida yéqinqi bir qanche kün ichide 300 din artuq toxu we ördek qush zukam wirusida ölgen. Nöwette da'iriler wirusning tarqilishini kontrol qilish tedbirlirini alghan bolsimu, emma mutexessisler hawaning issishigha egiship, uchar qushlarning sherqiy jenubiy asiyadin rusiyige köchüsh xewpi barliqini agahlandurmaqta.
Dunya sehiye teshkilati xitay da'irilirini bu yil 4 - ayda chingxey tebi'iy qoghdash rayonidiki uchar qushlarda bayqalghan qush zukam wirusining etraptiki döletlerge tarqilish éhtimali barliqi toghrisida agahlandurup, Uyghur aptonom rayonining chöchek we sanji sheherliride bayqalghan qush zukam wirusi üstidin tekshürüsh élip bérishke ruxset qilishni telep qilghan. Biraq dunya sehiye teshkilatining béyjingda turushluq wekili wadiyening charshenbe küni ashkarilishiche, xitay hökümiti mezkur organning tekshürüsh élip bérishigha hazirghiche ruxset qilmighan. (Erkin)
Munasiwetlik maqalilar
- Mutexessisler: chingxeydiki qush zukam wirusining etraptiki rayonlargha tarqilish mumkinchiliki zor
- Qush zukimining tarqilishigha taqabil turudighan programma hazirlandi
- B d t xitayni qush zukam wirusi heqqide agahlandurdi
- Dunya sehiye teshkilati, qush zukimining bashqa rayonlargha tarqilishidin endishe qilmaqta