Her qaysi döletler qush zukimining aldini élishqa 2 milyard dollar i'ane ajratti

• 
  2006-01-18

Béyjingda xelq'araliq i'ane toplash yighinigha qatnishiwatqan her qaysi dölet ministirliri charshenbe küni qush zukimining aldini élish ishliri üchün texminen 2 milyard amérika dolliri i'ane bérishke kélishti.

Ministirlar derijilik bu yighinda yighilghan pullar dunya bankisi kütkendin xéli köp bolghan. Amérika 300 milyon amérika dolliri i'ane qilishqa wede bergen. Qush zukimining ziyankeshlikike eng éghir uchrighan xitay bolsa 10 milyon dollar chiqarmaqchi bolghan.

Bu pullar asasliqi qush zukam wirusi tarqilishining aldini élish we tereqqiy qiliwatqan döletlerning dawalash mulazimitini yaxshilashqa ishlitilidiken.

Bu qétimliq i'ane toplash yighinini xitay hökümiti, yawropa ittipaqi we dunya bankisi birliship orunlashturghan bolup, buninggha pütün dunyadiki 100 nechche dölet we 20 nechche xelq'ara teshkilatlardin 700 din oshuq wekil qatnashqan.

2003‏- Yilidin buyan asiyada taralghan qush zukimi sewebidin hazirghiche 80 nechche kishi qaza qildi. (Peride)