Рабийә қадир ханим лондондики паалийәтлирини башливәтти


2007-10-01
Share

Рабийә қадир ханим MIT университетида нутуқ сәһнисидә. UAA Photo

Әнглийидики зияритини давамлаштуруватқан уйғур миллий һәрикитиниң рәһбири вә дуня уйғур қурултийиниң рәиси рабийә қадир ханим, дүшәнбә күни лондонда, хәлқара кәчүрүм тәшкилати , хәлқара кишилик һоқуқни көзитиш тәшкилати вә әнгилийә тибәт достлири бирләшмисиниң мәркәзлиридә орунлаштурулған йиғинларға қатнишип, йиғин қатаншқучилириға уйғурларниң нөвәттики әһвали вә хитай һөкүмитиниң уйғурларға қаратқан бесим сиястини тонуштурди.

Дуня уйғур қурултийиниң әнглийидики вәкили әнвәр тохтиниң билдүрүшичә, рабийә ханим хәлқара кәчүрүм тәшкилати вә кишилик һоқуқни көзитиш тәшкилати мәсуллиридин уйғур мәсилисигә техиму көп көңүл бөлүшини вә 2008‏-йиллиқ бейҗиң олимпик тәнһәрикәт йиғини һарписида уйғур мәсилисини әнгилийә хәлқи вә һөкүмити шундақла хәлқара җамаәткә техиму көп тонутуш үчүн тиришчанлиқ көрситишини тәләп қилған.

Рабийә қадир ханим шундақла дүшәнбә күни, 1‏- өктәбир хитай дөләт байрими вә уйғур аптоном райони қурулғанлиқиниң 52 йиллиқи мунасивити билән дуня уйғур қурултийиниң чақириқиға бинаән әнгилийә шәрқий түркистан җәмийити тәрипидин лондондики хитай баш әлчиханиси алдида оюштурулған наразилиқ намайишиға қатнашқан. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт