Көп қисим җәнубий корийиликләр хитайни кәлгүсидики тәһдит дәп қарайдикән

• 
  2006-03-20

Җәнубий корийиниң йеқинда елип барған бир қетимлиқ хәлқ райини синаш тәкшүрүшигә қариғанда, көп қисим җәнубий корийиликләр 10 йилдин кейин, җәнубий корийә бихәтәрлики дуч келидиған әң чоң тәһдитни хитайтин келиду дәп қарайдикән.

Җәнубий корийә мудапиә анализ мәркизи елип барған бу тәкшүрүш нәтиҗисидә, 38% киши хитайни әң чоң тәһдит дәп қариған. Буниңдин башқа японийини тәһдит дәп қарайдиғанлар болса 21% ни тәшкил қилған. Әмма бу тәкшүрүшкә қатнашқан 82% киши, җәнубий корийидә 30 миң әскири болған америкини җәнубий корийиниң әң чоң иттипақдиши дәп қарайдикән.

Мәзкур мәркәз әмәлдари ройтерс агентлиқиниң зияритини қобул қилғанда, " кишиләрниң шималий корийини кәлгүсидики тәһдит дәп қаримаслиқидики сәвәб, җәнубий корийә икки тәрәп һәмкарлиқи үчүн бир йүрүш нәтиҗилик тәдбирләрни қолланди. Лекин хитайниң иқтисадий вә һәрбий тәрәққияти болса, күнсайин ешип кетиватиду" деди.

Бу тәкшүрүш 2005‏- йили 12‏- айда, йеши 20 яштин юқири болған 1000 ға йеқин киши үстидин елип берилған. (Пәридә)