Америка ‏- японийә ортақ пилан түзүп тәйвәнни қоғдаш һәққидә музакирә елип бармақчи


2007.01.04

японийә мәтбуатлириниң пәйшәнбә күни хәвәр қилишичә, тәйвән қирғиқида туюқсиз вәқә йүз берип қелишиниң алдини елиш үчүн, америка билән японийә икки дөләт һөкүмити ортақ бир пилан түзүп, бу йил 2 ‏- айда бу һәқтә мәхсус музакирә елип беришни қарар қилидикән.

Көзәткүчиләр, бу һәрикәт хитайниң шәрқий асиядики ролиниң күчийип кетишиниң алдини елиш үчүн елип берилған дәп қияс қилишмақта. Бу арида хитай ташқи ишлар министирлиқиниң баянатчиси лю җәнчав мухбирларни күтивилиш йиғинида, җуңгу бу мәсилигә алаһидә көңүл бөлиду, тәйвән җуңгуниң айрилмас бир қисми, японийә билән америка оттурисида тәйвән үчүн елип берилидиған һәр қандақ бир һәрикәт , бир җуңгу принсипиға һөрмәт қилған асаста болуши керәк" деди.

Тәйвән призиденти чен шуйбйән 8 ‏- янивар күни оттура америка дөлити ниагарада зиярәттә болмақчи, у ниагара зияритидә қайси вақитта америка чегрисидин өтүш һәққидә ениқ мәлумат бәрмиди. Лю җәнчав, ахирида америкиниң тәйвән билән һәрқандақ бир шәкилдә дипломатийә мунасивити елип беришиға болмайдиғанлиқини, чен шүйбйәнниң америкида паалийәт елип беришиға қәтий йол қоюлмайдиғанлиқини тәкитлиди. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.