Kondoliza rays rusiye prézidénti wiladimir putin bilen körüshti


2005.04.20

Rusiyide ziyarette boliwatqan amérika tashqi ishlar ministiri kondoliza rays charshenbe küni rusiye prézidénti wiladimir putin bilen körüshüp, rusiye-amérika hemkarliqi, xelq'ara térrorchiliqqa qarshi urush we iqtisadiy tereqqiyat témilirida söhbetleshti.

Putin sözining béshida, kondoliza raysning biwaste arilishishi bilen rusiye-amérika munasiwetlirining yuqiri pellige yetkenlikini bildürüp, buning kelgusidimu mushundaq dawamlishishini ümid qilidighanliqini körsetti. Kondoliza raysmu rusiyining, amérikining térrorchiliqqa qarshi urushtiki "istratégiyilik shiriki" ikenlikini tekitlidi.

Kondoliza rays rusiye prézidénti wiladimir putin bilen körüshüshtin burun, moskwadiki dangliq "éko moskwa" radi'osining ziyaritini qobul qilghanda, rusiyini démokratik islahat élip bérishqa ochuq chaqirish bilen birge, prézidént putinning bek chong hoquqlargha ige bolup ketkenlikini eyibligen idi.

Kondoliza rays ziyaritide yene, rusiye axbarat wastilirini özige- özi igidarchiliq qilidighan musteqil organ bolushqa chaqirghan. Shundaqla u yene, rusiyining, amérika bilen munasiwet ornitishtin qet'iy qorqmasliqini tekrar tekitligen. (Peride)

© 2005 Radio Free Asia

Munasiwetlik maqalilar

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.